Rastet pozitive me COVID-19 në Kosovë, nga dita në ditë vetëm po rriten në mënyrë drastike dhe të shpejtë.
Gjatë 24 orët e fundit kanë rezultuar me koronavirus 888 persona nga 6.086 testime të kryera dhe është regjistruar 1 viktimë.
Teksa numri i të infektuarave rritet, ai i të shëruarve ulet, pasi gjatë ditës së sotme kanë arritur të mposhtin virusin vetëm 38 qytetarë.
Në total numri i rasteve aktive në Kosovë është 3.489.
Numri total i infektimeve nga COVID-19 është 111,644, ndërkohë që ai i viktimave ka shkuar 2,274 në të gjithë vendin që nga fillimi i pandemisë.
Vaksinimi masiv në vend po vijon normalisht. Gjatë 24 orët e fundit janë kryer 16.905 doza të vaksinës kundër COVID-19, ndërsa prej fillimit gjithsej janë dhënë 521.737 doza të vaksinës.
Kjo është hera e parë pas regjistrimit të rastit të parë me variantin Delta që në Kosovë shënohet një numër kaq i lartë infektimesh.
Komente
