FRANCË- Për herë të parë, pas më shumë se 200 vitesh, mesha e Krishtlindjeve nuk do të mbahet në Katedralen e Notre-Dame në Paris.
Pavarësisht punës me intensitet të lartë për të rikuperuar dëmet e shumta të shkaktuara nga zjarri i 15 prillit, Katedralja nuk është gati për të mirëpritur besimtarët francez më 25 dhjetor, lindjen e Krishtit. Zyrtarët bëjnë me dije se mesha do të zhvillohet në kishën pranë saj, në Saint-Germain l'Auxerrois.
Katedralja gotike 850-vjeçare, një sit i Trashëgimisë Botërore të 'Unesco' u shkrumbua nga flakët, teksa motivi nuk dihet ende edhe pse thuhet se ka qenë një pakujdesi që solli këtë tragjedi.
Presidenti i Francës, Emmanuel Macron ka bërë me dije se brenda 5 vitesh, ajo do të kthehet në gjendjen siç ka qenë. Për rindërtimin e saj u mobilizuan shumë shtete të botës, por jo vetëm nga ku u arrit që të grumbullohej një shifër që i kalonte 1 miliardë euro.
Komente
