Një trup i gjallë dhe një i vdekur janë nxjerr nga anija e Igumenicë- Brindizi, tre ditë pasi u përfshi nga flakët dhe e mbuloi tymi i zi.
Grupet greke të shpëtimit kanë mundur të gjejnë të gjallë dhe në gjendje të mirë shëndetësore një nga 12 personat që rezultonte i humbur, ndërsa fatkeqësisht njeri prej tyre, shofer i një kamioni, u gjet i djegur. Të zhdukur momentalisht janë edhe 10 persona të tjerë.
I shpëtuari është shofer kamioni nga Lituania, i cili i ishte fshehur flakëve dhe tymit asfiksues në pjesën e prapme të anijes “ Euroferry Olympia ”. Burri u gjet në skajin e anijes dhe madje zbriti vetëm shkallët për të shkuar te shpëtimtarët.
Në dëshminë e tij të parë, shoferi lituanez ka thënë se “ kam dëgjuar zëra të tjerë në anije ”.
Ende 11 pasagjerë të tjerë në anije rezultojnë të zhdukur. Anija është ankoruar në një vend të sigurt në veri të Korfuzit, ndërsa brenda saj ka ende vatra zjarri të vogla që janë aktivë. Për shkak të temperaturave tepër të larta brenda anijes si pasojë e zjarrit, ku në disa zona i kalon 500 gradë celsius, po vështirësohet operacioni i shpëtimit dhe ndërhyrja e grupeve brenda saj për të kërkuar ende për 11 të zhdukurit, mes të cilëve 3 janë me origjinë greke.
Pas përfundimit të operacionit për gjetjen e të zhdukurve dhe shuarjes së zjarrit, ekipet speciale do të nxjerrin të gjitha sasitë e naftës nga anija për të neutralizuar rrezikun e ndotjes së detit.
Trageti i linjës Greqi-Itali, 'Euroferry Olympia' u përfshi nga flakët rreth orës 04:30 mëngjesin e së premtes. Flakët shpërthyen menjëherë pas nisjes nga porti grek në pjesën e garazhdit të tragetit, ndërsa shkaqet janë ende të paqarta.
Trageti ishte nisur nga Igumenica për në Brindizi të Italisë, ku në bord ishin 239 pasagjerë ndërsa 51 ishin anëtarë të ekuipazhit. 279 persona janë evakuuar, ndërsa 11 të tjerë rezultojnë ende të zhdukur që mendohet se kanë mbetur të bllokuar në anije.
“Ajo që përjetuam ishte një makth”, tha njeri prej pasagjerëve të evakuuar.
Trupi i djegur i një burri është gjetur pasditen e sotme në garazhin 2 të Euroferry Olympia. Ai ishte shofer i një kamion, aty ku edhe u gjet pa jetë.
Momenti kur pasagjeri zbret shkallët
Një shofer nga Lituani është shpëtuar pas 3 ditësh i bllokuar brenda anijes së djegur në Greqi. Ai ka qenë në gjendje të mirë shëndetësore ku dhe i ka zbritur vetë shkallët e vendosura nga grupet e shpëtimit për ta nxjerrë nga anija.
Në dëshminë e tij të parë, shoferi lituanez ka thënë se “ kam dëgjuar zëra të tjerë në anije ”.
