Banorët kërkuan nënkalim ose mbikalim pas vdekjes së 20-vjeçarit në unazën e Elbasanit, ARRSH mjaftohet vetëm me vendosjen e '2 policëve të shtrirë'

Pas vdekjes së një 20-vjeçari në unazën e Elbasanit, ARRSH ka vendosur tabela sinjalizuese. Megjithëse banorët kërkuan ndërtimin e një mbikalimi apo nënkalimi, ARRSH është mjaftuar duke vendosur tabela sinjalizuese e policë të shtrirë për të ulur shpejtësinë

9 Shkurt 2023, 10:15| Përditesimi: 9 Shkurt 2023, 10:32

  • Share

ELBASAN- Në Unazën e Qytetit të Elbasanit, vendi ku u aksidentua për vdekje pak javë më parë 20-vjeçari Fiori Sula, janë vendosur nga ARRSH disa tabela sinjalizuese dhe ‘2 policë të shtrirë’.

Megjithëse banorët e zonës protestuan duke kërkuar që në rrugë të ndërtohen mbikalime ose nënkalime, për shkak të rrezikshmërisë që paraqet lëvizja e makinave, ARRSH është mjaftuar duke vendosur tabela sinjalizuese e policë të shtrirë për të ulur shpejtësinë.

Mungesa e mbikalimeve e nënkalimeve në Unazën e Elbasanit shpesh është bërë shkak për aksidente të shumta të këmbësoreve të cilët janë të detyruar të kalojnë përmes rrugës nacionale për të shkuar të shtëpitë e tyre. Në disa segmente të Unazës së Elbasanit mungon dhe ndriçimi.

Pak javë më parë një 20-vjeçar u përplas për vdekje nga makina teksa tentonte të kalonte në vijat e bardha në aksin Elbasan-Librazhd, që është njëkohësisht dhe unaza e qytetit të Elbasanit. Ndërsa në segmentin Elbasan-Metalurgji nje muaj me parë vdiq në aksident një tjetër këmbësore.

M.Q./ReportTv.al
Komento

Komente

  • Liku: 09/02/2023 12:47

    Te vendoset semafori i cili zgjidh problemin e qytetareve

    Përgjigju
  • meti: 09/02/2023 11:56

    Ky veprim eshte shum i mire sepse mbikalimet dhe ne ato vende qe jane 90% e kalimtareve nuk kalojne.

    Përgjigju
    • Toni: 09/02/2023 12:55

      Si e mate ti more shkencetar kete 90%? Ne fakt eshte komplet e kunderta, 90% i perdorin mbikalimet.

  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?