Gazetari Aleksandër Çipa, përmes një statusi në rrjete sociale bën me dije se disa miq dhe familjarë janë bashkuar për të krijuar një llogari në GoFound për të ndihmuar me mbështetjen e kostove të funeralit për Denis Dukën, djalin e poetit të njohur shqiptar, Arben Duka, i cili ndërroi jetë një ditë më parë në SHBA.
Ndër të tjera, gazetari Aleksandër Çipa shkruan në rrjete sociale se Denisi ishte një mik i shkëlqyer i cili la pas bashkëshorten dhe të bijën, Sofi. Çipa shprehet se Denisi la pas një zbrazëti dhe ikja e tij ishte e papritur.
“Për shkak të vdekjes së papritur, ne dëshirojmë të ndihmojmë dhe të mbështesim familjen me kostot e larta të funeralit. Çdo ndihmë është e mirëpritur!”-shkruan Çipa bashkangjitur linkut për të kontribuar.
Denis Duka 35 vjeç, ndërroi jetë dje për shkak të një infarkti, një javë pas të atit. Edhe Arben Duka ndërroi jetë për të njëjtin shkak.
