Një avion që transportonte më shumë se 200 njerëz nga Bali, Indonezi në Melburn, Australi u detyrua të kthehej pasi një pasagjer u përpoq të hapte me forcë derën e avionit ndërsa ky i fundit ndodhej mbi Oqeanin Indian.
Ngjarja u regjistrua të hënën e 31 marsit bëri me dije kompania ajrore Jetstar.
"Ne patëm një kthim të avionit në Denpasar (aeroporti i Balit) mbrëmë pasi një pasagjer u përpoq të hapte një nga dyert e avionit dhe ishte abuziv me ekuipazhin tonë," tha linja ajrore.
Sipas një videoje që qarkullon në mediat sociale, thuhet se një grua arriti të ngrinte dorezën e derës përpara se një sinjal paralajmërues të lajmëronte ekuipazhin
Të dhënat nga faqja e gjurmimit të fluturimeve Flightradar24 treguan se avioni u kthye mbi Oqeanin Indian rreth një orë pas fluturimit, shkroi CNN.
Megjithatë incidente të tilla në avion janë raportuar edhe në të kaluarën.
Në vitin 2023, një pasagjer që hapi derën e urgjencës së një avioni të Asiana Airlines pak para uljes, i tha policisë se ndihej i ‘mbytur’ dhe donte të dilte shpejt nga avioni.
Komente
