Pashaqoftet e Elbasanit
Përbërësit:
- 500 gr mish i grirë
- 1 filxhan oriz
- 1 qepë e madhe
- Pelte domate
- Pak miell
- Limon ose limontoz
- Nenexhik
- Kripë, piper i zi, piper i kuq
Përgatitja:
Grijmë qepën imët me dorë, e shtojmë tek mishi i grirë, shtojmë orizin, kripën, piperin, nenexhikun dhe pak pluhur pjekës. E punojmë mirë brumin e qofteve dhe e lëmë të pushojë. I japim më pas formën pashaqofteve dhe i vendosim në një pjatancë ku kemi hedhur pak miell. I skuqim qoftet lehtë në vaj të nxehtë për pak minuta dhe i largojmë nga tigani. Në vaijin ku skuqëm qoftet shtojmë pak miell dhe e kaurdisim mirë derisa të skuqet. Shtojmë pak limontoz ose lëng limoni dhe salcën e domates. E trazojmë mirë, shtojmë ujë, kripë, piper dhe erëza sipas dëshirës. Sapo salca të fillojë të marrë valë vendosim qoftet dhe i lëmë të gatuhen brenda në salcë.
Komento
