Solisti i grupit Kalush Eorchestra i ka dhënë 'puthjen e lamtumirës' të dashurës së tij pas fitores në Eurovision. Oleg Psiuk u fotografua duke shkëmbyer puthje me të dashurën Oleksandra jashtë hotelit të tij në Torino të Italisë.
I veshur me kapele rozë dhe me cantë shpine, Psiuk u nis drejt aeroportit për të udhëtuar më pas drejt Ukrainës, ku do t’i bashkohet forcave në luftën kundër Rusisë.
Ukraina fitoi edicionin e 66-të të Eurovisionit me këngën "Stefania", një këngë emocionuese për nënën, që me shpërthimin e luftës mori në një kuptim edhe më të thellë. Fitorja vjen si një mesazh i fortë solidariteti dhe paqeje për Ukrainën, që shkon përtej muzikës dhe konkurrencës.
Ukraina mori votat maksimale duke lënë pas Britaninë e Madhe dhe Spanjën në vend të tretë.
Thirrjen për të mbështetur Ukrainën e bëri një natë më parë edhe presidenti Volodymyr Zelenskyy duke kërkuar fitoren e këngës "Stefania" si një mbështetje për rezistencën e popullit të tij ndaj agresionit rus.
