Receta

Pastiçe me kimë dhe beshamel nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

13 Tetor, 11:46| Përditesimi: 13 Tetor, 11:48

  • Share

Pastiçe me kimë

Përbërësit:

  • 500 gr makarona
  • 300 gr mish i grirë
  • 2 qepë mesatare
  • 3-4 lugë gjelle vaj
  • 1 lugë gjelle salcë domatesh
  • Kripë, piper i zi, dafinë

Për salcën beshamel:

  • 2 lugë gjelle miell
  • 2-3 gota qumësht
  • 1-2 kokrra vezë
  • 2 lugë gjelle gjalpë

Përgatitja:

Fillimisht ziejmë makaronat, i kullojmë dhe i hedhim në tavë të lyer me yndyrë. Në një tigan kaurdisim qepët e grira në vaj. Shtojmë mishin e grirë, salcën, kripën, piperin dhe dafinën dhe e lëmë derisa mishi të marrë ngjyrë. Përziejmë makaronat me kimën, i shtrijmë në tavë duke i niveluar mirë. Përgatisim më pas beshamelin. Shkrijmë gjalpin, shtojmë miellin dhe e kaurdisim pak. Hedhim gradualisht qumështin duke e përzier vazhdimisht që të mos krijohen kokrriza. Kur të trashet, e heqim nga zjarri dhe shtojmë vezët e rrahura. E mbulojmë pastiçen me salcën beshamel, sipër i spërkasim pak gjalpë dhe sipas dëshirës djathë të bardhë ose kaçkavall. E pjekim në furrë të parangrohur në 200°C për 25–30 minuta, derisa sipërfaqja të marrë ngjyrë të artë.

MC/ReportTv.al
Komento

Komente

  • Sondazhi i ditës:

    Qeveria ndaloi përdorimin e monopatinave, si ju duket vendimi?