Pastiçe me perime
Përbërësit:
- 250 gr makarona
- 2 vezë
- 200 ml qumësht
- 100 gr djathë të bardhë
- 50 gr kaçkavall të grirë
- 1 kokë brokoli
- 1 kokë lulelakër
- 1 karotë
- ½ filxhan bizele të ziera
- 2 lugë gjelle vaj ulliri
- Kripë, piper, rigon sipas shijes
Përgatitja:
Ziejmë makaronat sipas udhëzimeve në paketim. Ndërkohë kaurdisim perimet në një tigan me pak vaj ulliri për 5-7 minuta, derisa të zbuten pak. I lëmë të ftohen pak dhe më pas rrahim në një tas vezët me qumështin, djathin e bardhë, djathin kaçkavall, kripën, piperin dhe rigonin. Bashkojmë makaronat e ziera me perimet e kaurdisura dhe përzierjen e vezëve. E hedhim masën në një tavë të lyer me pak vaj ose të shtruar me letër pjekjeje dhe e vendosim në furrë të parangrohur në 180°C për rreth 30-35 minuta, derisa të marrë një ngjyrë të artë sipër.
Komento
Komente
