Me mbylljen e tregut të transferimeve me largimin e Griezmann dhe blerjen e Luuk De Jong, Barcelona më në fund ka vendosur se kujt do t’i caktojë fanellën me numrin 10, të veshur në 13 vitet e fundit nga Leo Messi para se të transferohej te PSG. Pesha e trashëgimisë së Pulce ka kaluar te Ansu Fati , i cili më parë luajti me numrin 22 si fillim dhe më pas me 17.
Ansu Fati është ende duke luftuar me pasojat e operacionit të dyfishtë në gjurit e majtë dhe është ndalur që nga 7 nëntori 2020. Para lëndimit, ylli i ri i Barçës kishte luajtur 10 ndeshje sezonin e kaluar, 7 në La Liga dhe 3 në Ligën e Kampionëve gjithsej 596 minuta në të cilat ai kishte shënuar 5 gola (përfshirë një në Clasico kundër Real Madrid) dhe 2 asistime.
Pavarësisht se ishte vetëm 18 vjeç, Ansu Fati tashmë ka bërë 43 paraqitje për Barcelonën, duke shënuar 13 gola (11 në ligë dhe 2 në Ligën e Kampionëve). Pas Rivaldo, Ronaldinho dhe Messi, fanella legjendare me numrin 10 është ende në duar të sigurta.
Komente
