Patëllxhanë të mbushur me djath, domate dhe ullinj
Përbërësit:
4 patëllxhanë
2 domate
200 gr mozzarella
1 degë borzilok I freksët
50 gr ullinj të zi
4 lugë gjelle vaj ulliri
kripë
1 lugë çaji uthull
2 thelpi hudhër
Përgatitja:
Pastrojmë patëllxhanët I presim ato në 1/2 nëse janë të trashë ose bëjmë një prerje nga lart nëse janë mesatare. Në pjesën që bëjmë prerjen bëjmë disa vizime, lyejmë me vaj vetëm në pjesën e prerë dhe në një tepsi ku kemi shtuar letër pjekje I vendosim në furrë në temperaturë 180 gradë Celsius për 20 minuta ( të piqen).
Ndërkohë që patëllxhanët piqen presim domatet në kubikë të vegjël dhe I vendosim në një tas ku do të shtojmë borzilokun të copëtuara, mozzarelën në kubikë të vegjël, ullinjtë në unaza. Nxjerrim patëllxhanët nga furra dhe me ndihmën e një luge caji pastrojmë tulin e tyre e coptojmë dhe e shtojmë në tasin me domate dhe mozzarella. Shtojmë në tas 1 lugë gjelle vaj ulliri dhe 1 lugë çaji uthull të bardhë , hudhrat e grira hollë ose 1 lugë kafe hudhër pluhur. I përziemë të gjitha përbërësit në tas dhe mbushim patëllxhanët dhe I vendosim në furrë në temperaturë 180 gradë Celsius për 15-20 minuta.
