E ftuar në këndin e gatimit të "Rreze Dielli" shefja e kuzhinës, që jeton e punon në Itali Silvana Musej, e cila gatuan recëtën e Patëllxhanë të mbushur njësoj siç e gatuante mamaja e saj.
Patëllxhanë të mbushur
Përbërësit:
- 4 patëllxhanë
- 1 karrotë
- 1 spec i kuq
- 1 spec jeshil
- 2 qepë
- 500 gr mish i grirë
- 2 lgj salcë domate
- 3 domate
- Vaj ulliri
- Kripë
- Piper i zi
- Piper i kuq
- Bimë aromatike
Përgatitja:
Fillimisht pastrojmë patëllxhanët dhe i vendosim në ujë me kripë. Më pas presim të gjitha perimet në kubikë. Kaurdisim mishin e grirë derisa të kokrrizohet, shtojmë qepët, karrotat, pjesët e brendshme të patëllxhanëve dhe gradualisht domatet dhe specat. I kaurdisim të gjitha duke shtuar bimët aromatike dhe erëzat bashkë me salcën. Bëjmë mbushjen e patëllxhanëve me harxhin dhe i vendosin në furrë në temperaturën 200 gradë Celsius për 50 minuta.
Komento
