Receta

Patëllxhanë të mbushur nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

4 Shkurt, 11:20| Përditesimi: 4 Shkurt, 11:22

  • Share

Patëllxhanë të mbushur

Përbërësit:

  • 1 kg mish viçi
  • 1-1,5 kg patëllxhanë të vegjël
  • 1 qepë mesatare
  • 1 karotë
  • 2 lgj vaj ulliri
  • 2 lgj gjalpë
  • 4 domate
  • 1/2 tufë majdanoz
  • Disa speca djegës
  • Piper i kuq pluhur
  • Kripë, piper i zi

Përgatitja:

Fillimisht kaurdisim qepën e grirë imët duke shtuar pak kripë dhe spec të kuq pluhur. Më pas shtojmë mishin e prerë në kubikë të vegjël dhe 1½ gotë ujë të nxehtë. E lëmë mishin të ziejë në zjarr të ulët derisa të zbutet. Në fund shtojmë një karotë të kaluar në rende, majdanozin e grirë, kripë, piper dhe i lëmë të gatuhen 5 minuta. Ndërkohë skuqim patëllxhanët nga të gjitha anët në vaj të nxehtë, derisa të zbuten pak. I presim në mes për së gjati dhe i mbushim me harxhën e përgatitur. I vendosim në një tavë, hedhim pak ujë dhe mbi mbushje vendosim nga një rreth domateje dhe pak gjalpë. Vendosim dhe speca djegës sipas dëshirës dhe e vendosim tavën në furrë të nxehtë në temperaturën 200 gradë Celsius.

MC/ReportTv.al
Komento

Komente

  • Sondazhi i ditës:

    Informaliteti e nëndeklarimi pagave po dëmtojnë pensionet, sa po luftohen?