Ish-deputetja demokrate Izmira Ulqinaku ka dalë ditë e sotme në një deklaratë për shtyp ku ka ngritur akuza ndaj Bindjes Demokratike dhe Partisë Socialiste se kanë ngritur një komplot për të prodhuar një proces zgjedhor farsë. Ulqinaku tha se Bindja Demokratike është një patericë e regjimit të Rilindjes duke akuzuar drejtpërdrejtë kandidatin e saj Pjerin Spathari se tashmë është emëruar nga Rilindja drejtor i Drejtorisë Rajonale të Bujqësisë.
"Bindja Demokratike nuk është opozitë as në votimet fallco të Edi Ramës, as në parlament, askund.
Farsa e 30 qershorit ishte prova e qarte se Rilindja dhe Bindja jane nene e bije.Kush ka patur keqkuptimin apo ka menduar ndryshe sot po i japim fakte se simbioza mes tyre është e pandashme..
Bindja pra është patericë e regjimit kriminal të Rilindjes si ne votimet fallco ashtu edhe ne vazhdim. Kështu është si në Shkodër dhe në gjithë Shqipërinë.
Pjerin Spathari kandidat i Bindjes Demokratike për bashkinë Malësi e Madhe, tani është emëruar drejtor i Drejtorisë Rajonale të Bujqësisë të Rilindjes. Ky është shpërblimi për shërbimin e mercenarit.
Misioni i ODIHR-it, i ka vënë regjistrimit të Bindjes Demokratike në kundërshtim me ligjin vulën e paligjshmërisë.
Shkodra e braktisi Edi Ramën dhe opozitën falso. Procesverbali i orës 11.00 të datës 30 qershor provon manipulimin kriminal, me pesë-fishim të numrit të votuesve. Edi Rama ka rritur pjesëmarrjen me të paktën 8%, duke përdorur Komisionin Qendror të Vjedhjeve.
30 qershori është i pavlefshëm, është nul, në kundërshtim me dekretin e Presidentit.
PD është e gatshme t’u japë shkodranëve dhe shqiptarëve atë që presin dhe meritojnë, ndryshimin. Për ta kthyer mazhorancën refuzuese të 30 qershorit, në mazhorancë për ndryshimin", deklaroi Ulqinaku.
Komente
Hani m..... ju ben mire
Përgjigju