TIRANË- Ish-deputeti i Partisë Demokratike, Klevis Balliu ka hedhur akuza ndaj prokurores Elizabeta Imeraj, sipas së cilit është e korruptuar dhe po mbron vendimet korruptive të kryebashkiakut Erion Veliaj. Në përfundim të seancës gjyqësore për protestën e "Astirit", e cila u shty, Balliu publikoi një foto të një shtëpie ku pretendon se është e familjes së prokurores pikërisht në "vijën e kuqe" që e prekte projekti, por nuk është shembur. Për ish-deputetin ky është një "shpërblim" për favoret që kjo gjyqtare i ka bërë kryebashkiakut Veliajt.
"Shihni qytetarë të thjeshtë që enden në dyert e gjykatave, mbi 100 çështje për banorët e unazës, kolegë deputetë, gazetar ndaj kriminelëve me këta të fundit që lirohen nga gjykata. Nuk e di se për çfarë më akuzon, fillimisht më thanë ke thyer krahun e një polici, ai është zhdukur në drejtim të paditur. Pse nuk funksion ligji për dhunën ndaj banorëve të bregut të ligjit, kur vidhen 40 mln euro tek Unaza e Re, kur fitojnë tendera korruptiv e partive. Këtu nuk ka drejtësi. Unë e kam sjellë kallëzimin penal ndaj Veliajt për tenderin korruptiv të palmave në autostradën Tiranë- Durrës dhe ia kam dorëzuar në dorë Elizabeta Imerajt,por as nuk i ka parë dokumentet. Kjo shtëpi e saj e familjeve të saj nuk shembet, ndryshe nga sa ka ndodhur me shtëpitë e tjera të banorëve të Astirit. Kjo prokurori do hetojë këtë çështje. Si nuk e gjeti prokurorja ligjin për tenderin fiktiv, si nuk gjen një ligj për kontratat fiktive të Veliaj. Këtu nuk ka gjykata, por një grup banditësh, kriminelësh", tha Balliu.
Duke u ndalur tek vendimi për shtyrjen e seancës ndaj tij, Balliu u shpreh se kjo është një formë e Ramës për të ushtruar presion.
"Kjo bëhet për presion dhe lojëra, njoftojnë tre persona dhe jo personin e katër. Këto gjyqe po shfrytëzohen nga Rama për presione politike", përfundoi Balliu.
Deputeti i PD-së Klevis Balliu dhe fotoja e shtëpisë që pretendon se është e të afërmve të prokurores
Komente
Bravo çuni Spiunit te sigurimit bravo nderove baba o
Përgjigjuakoma prrallis ky debili Fahriut ?Si e lejon drejtesia ta ofendoj nje njeri i manget si Balliu junior ?
Përgjigju