Pavarësisht se më 11 Qershor Gjykata e Apelit ia dha Sali Berishës vulën e Partisë Demokratike, ai vijon të ndjejë rrezikun se Lulzim Basha po përdor simbolet e selisë blu për luftën e brendshme të demokratëve.
Edhe pse ish-kryedemokrati në zgjedhjet e 11 majit po përfaqësohet përmes një partie dhe logoje tjetër të quajtur “Koalicioni Euroaltantik” përmes përfaqësuesit të tij, Berisha u ankua në Komisionin Qendror të Zgjedhjeve, duke thënë se Basha vijon të përdorë simbole të ngjashme me ato të PD-së në faqen zyrtare të internetit dhe llogarinë e tij në META dhe kërkoi që KQZ të urdhërojë mbylljen e tyre.
Vetë Berisha në konferencën e së premtes e komentoi si mision të Lulzim Bashës.
"Tani ai është në një mision, Brava është në një mision dhe atij ia dikton padroni i tij Edi Rama një akt të tillë që përbën vjedhje pronësie. Akt shumë i gabuar, por shqiptarë që të votojnë më Lul Bravën se mban këtë apo atë logo nuk ka.", u shpreh Berisha.
Lulzim Basha vijon t’i qëndrojë rekursit për Partinë Demokratike në Gjykatën e Lartë, por për garën e 11 majit, ai zgjodhi formulën e huazimit të një partie për të kandiduar. Basha mori një parti të vogël ekzistuese, duke i ndryshuar emrin në Koalicioni Euroatlantik me kryetar Endri Hasën.
Disa ditë më parë KQZ urdhëroi Bashën të ndryshonte në zyrat e tij elektorale edhe logon e partisë, të cilat u zhveshën nga logoja e PD dhe morën fytyrën e re të demokratëve euro-atlantikë.
Kërkesa e PD
Kjo kërkesë ka të bëjë me aspektet e dezinformimit dhe të (keq)përdorimit publik në Internet, Website, rrjetin META (Facebook, Instagram, etj.) apo në platforma të tjera online nga disa individë dhe 1 subjekt zgjedhor i regjistruar në zgjedhjet e 11 Majit, të simboleve, logove apo emblemat dalluese/identifikuese, apo të ngjashme me ato të Partisë Demokratike, simbole këto të cilat konfondojnë publikun dhe elektoratin, me simbolet të cilat i përdor aktualisht edhe subjekti zgjedhor "Partia Demokratike – Aleanca për Shqipërinë Madhështore" – PD-ASHM, koalicion zgjedhor i regjistruar për zgjedhjet për Kuvendin më 11 Maj, i cili udhëhiqet nga Partia Demokratike e Shqipërisë.
Konkretisht, shqetësimi ynë vjen për keqpërdorimet vijues. (Bashkëngjitur materiali i hollësishëm shoqëruar me pamjet dhe ilustrimet e rasteve konkrete në fjalë):
1. Domaini https://demokratet.al ka qenë aset i Partisë Demokratike të Shqipërisë dhe është përdorur si domain kryesor gjatë fushatës elektorale të PD-së në zgjedhjet e vitit 2017. Tashmë shërben si domain kryesor i subjektit zgjedhor Koalicioni Euroatlantik. Në faqen zyrtare të këtij domaini shihet qartë përdorimi i logos së subjektit Partia Demokratike e Shqipërisë. Gjithashtu, në nënfaqen "Kryetari" (https://demokratet.al/kryetari), shfaqet një përmbajtje që titullohet: "Lulzim Basha, Kryetari i Partisë Demokratike", kur ndërkohë personi Lulzim Basha nuk është kryetar i asnjë subjekti politik, e aq më shumë i Partisë Demokratike.
Faqja në Facebook me adresë: https://www.facebook.com/demokratet.al ka qenë faqja zyrtare e Partisë Demokratike të Shqipërisë. Historiku i kësaj faqeje daton që prej vitit 2009. Pas Gjykatës së Apelit, kësaj faqeje i është ndryshuar emri nga “Partia Demokratike e Shqipërisë” në “Partia Demokratike - Demokratët Euroatlantikë”, e më pas sërish në “Demokratët Euroatlantikë - Partia Demokratike”.
Kjo faqe "Demokratët Euroatlantikë - Partia Demokratike" është e verifikuar në Facebook dhe njihet nga ky i fundit si subjekti zyrtar i Partisë Demokratike të Shqipërisë. Kjo faqe, gjithashtu, ka të lidhur domainin https://pd.al, që doli nga ky domain është i aksesuar me këtë faqe. Po ashtu, reklamimi mund të prodhojë faqe të tjera në aksesim me subjektin Partia Demokratike e Shqipërisë, gjë që mund të përdoret për qëllime të keqpërdorimit nga subjekti Koalicioni Euroatlantik. Kjo, gjithashtu, mund të kategorizohet si shpërdorim i subjektit Partia Demokratike.
Momentalisht, subjekti Partia Demokratike po përdor faqen me adresë:
https://www.facebook.com/PartiaDemokratike.
Gjithashtu, faqja “Demokratët Euroatlantikë - Partia Demokratike” në Business Manager-in e Facebook-ut të vetë, ka të lidhur domainin https://pd.al.
Duke qenë se ky domain është i lidhur me një Business Manager, ku Partia Demokratike nuk ka akses, atëherë ky domain nuk mund të lidhet as me Business Manager-in që PD disponon aktualisht. (Shembulli i vendosur bashkëngjitur në prova).
Si rrjedhojë e kësaj, çdo link i shpërndarë në platformat e Meta nga domaini pd.al, lidhet me faqen “Demokratët Euroatlantikë - Partia Demokratike”.
Përdorimi i këtyre simboleve në rrjetet sociale, në Internet, në Facebook, Instagram e më gjerë, nga individë apo subjekte politike të tjera, përveç se ngatërron zgjedhësit për zgjedhjet e 11 Majit, nis një për hak ditë, do të dëmton interesat e ligjshme të subjektit tonë, duke krijuar konfuzion në pjesën më të konsiderueshme të publikut dhe elektoratit. Ndaj kërkojmë që kjo kërkesë të merret në shqyrtim nga KQZ, maksimalisht deri në hapjen e fushatës zgjedhore zyrtare.
Ndaj, po i drejtohemi KQZ që të konstatojë këtë fakt dhe të merren masat e menjëhershme administrative për ndalimin, për heqjen e shkeljeve dhe cënimit të interesave të PD-ASHM nga një individ apo subjekt tjetër zgjedhor, përfshirë dhe dorëzimin tek përfaqësuesit e PD-së aksesit të llogarive/kredencialeve të PD-së që po keqpërdoren nga individë apo subjekte zgjedhore.
.jpeg)
Lajm ne perditesim...
Në konferencën e radhës me gazetarët, Sali Berisha sulmoi Lulzim Bashën duke e akuzuar se bashkëpunon me Edi Ramën. I pyetur se si do ta ndalojë drejtuesin politik të Koalicionit Euroatlantik, që të përdorë logon e PD në rrjetet sociale, Berisha tha se ky akt përbën vjedhje pronësie.
"Tani ai është në një mision, Brava është në një mision dhe atij ia dikton padroni i tij Edi Rama një akt të tillë që përbën vjedhje pronësie. Akt shumë i gabuar, por shqiptarë që të votojnë më Lul Bravën se mban këtë apo atë logo nuk ka.", u shpreh Berisha.
Kreu i PD vijoi edhe me sulmet ndaj ministrit të Drejtësisë Ulsi Manjës, të cilit i referohet si 'Olsi i Altin Hajrit', ndërsa e akuzon se qëndron pas përgjimeve të Erion Veliajt në paraburgimin e Durrësit, ku ndodhet prej Shkurtit.
"Së pari, nga publikimet e tij, del mirëfilltas një shpellë intrigantësh, njerëz të inkriminuar që i fusin thika njëri-tjetrit. Tani, që Erion Veliaj është aty ku është, për krimet e rënda, kjo nuk ka diskutim. Por Erion Veliaj duhet të jetë me organizatë kriminale, familjare dhe bashkiake, të dyja. I ka të dyja. Por që me Erion Veliajn, t’i organizohen kurthe nga ministra, kjo është makbethiane, pak ët themi por është makbethiane.
Lëre që e regjistrojnë nga të gjitha anët, dhe pastaj Uluziu... a e morët vesh ju kush është Olsi? Olsi është Uluziu... absolutisht. Olsi i Altin Hajrit, i dy kostumeve, merrja pak masën, ai e bëri punën mirë, prandaj merrja masën për dy kostume. Tani, burime 100 përqind të sigurta më informojnë se nuk bëhet fjalë as për Olsi Çelës, as për Olsi Dadon, por për Uluziun. Kështu që komentet e mia për përgjimet e Erion Veliajt dhe mesazhet e tij tregojnë se kemi të bëjmë me një grup mafioz me pushtet që nuk kanë asnjë rregull, asnjë ligj, asnjë normë.", tha ai.
Komente
Keto jane idete e aspirantit lepiresit me te madh te histori dora neve kllici
Përgjigju