SHKODËR-Kreu i FRPD-së së Shkodrës, Arvit Bushati ka qëndruar rreth 5 orë në komisariat dhe më pas ka lënë ambientet e tij në orën 20:30 të kësaj të hëne.
Lirimi i tij ka shënuar edhe fundin e protestës, organizuar nga Partia Demokratike, të cilët u mblodhën para Komisariatit në orën 19:30, ku në duar mbanin pankarta ku shkruhej "Forca Arvit, jemi me ty", "Shkodra është me Arvit Bushatin", "Ju mbroni krimin dhe arrestoni rininë". Bushati është pritur me makinë nga kreu i PD në Shkodër, Xhevdet Amuli dhe nuk ka dhënë asnjë prononcim për mediat. Gazetari i Report Tv, Ergys Kavaja sjell me video këtë moment.
Arvit Bushati u arrestua sepse gjatë kohës që konstituohej Këshilli i ri Bashkiak, mes protestuesve dhe policisë pati tensione, ndërsa në fund të saj, disa militant të PD hodhën shihe uji në drejtim të deputetit Tom Doshi dhe këshilltarëve socialist. Situata ka qenë e tensionuar, por policët kanë mundur të fusin në furgon Bushatin. Në mbrojtje të tij ka dalë ish-deputeti i Shkodrës Bardh Spahia i cili pati në një debat të ashpër verbal me një agjent police.
Në një deklaratë për mediat, PD-ja e Shkodrës e kanë cilësuar arrestimin e tij si të padrejtë dhe një vendim që ka prapavijë politike.
Pas 5 orësh në Komisariatin e Shkodrës, kreu i FRPD-së Arvit Bushati, është liruar. Ai është pritur me makinë nga kreu i PD në Shkodër, Xhevdet Amuli. Gazetari i Report Tv, Ergys Kavaja sjell videon e momentit, kur Bushati lë ambientet e Komisariatit.
Komente
Bravo Shkodra, nuk mund te lejoje prishjen e gjithe kesaj "Mrekullie" qe i ka dhene deri me sot PD me Voltin e "Voltra" te tjere para saj Shkardes
Përgjigju