Mallrat me tematikë sovjetike nuk duhet të tregtohen më online në platformën Amazon. Kërkesa është bërë nga disa anëtarë të Parlamentit Europian, të cilët i kanë kërkuar Jeff Bezos, kreut të Amazon që të mos lejojë më tregtimin e këtyre mallrave. Në një letër publike, ata thotë se tregtimi i këtyre mallrave ofendon viktimat dhe të dëmtuarit e regjimit sovjetik.
Kjo nismë vjen pas vendimit që gjiganti amerikan i tregtisë Walmart mori më herët, për të ndaluar shitjen e rrobave me çekiçin dhe drapërin e regjimit komunist.
Sipas “The Guardian”, 27 deputetë kërkuan “ndërprerjen e shitjeve të mallrave me simbolin e çekiçit dhe drapërit, që përfaqëson Bashkimin Sovjetik, në platformën Amazon Inc”. Deputetët kërkojnë ndalimin e tregtimit të bluzave, kostumeve, flamuje por edhe të tjera objekte që përfaqësojnë atë periudhë. Kërkesa e tyre vjen pasi “Amazon”, ka tregtuar disa bluze të kuqe, T-shirt me simbolin e çekiçit dhe draprit me ngjyrë të verdhë që do të thotë BRSS, ose Bashkimi i Republikave Sovjetike Socialiste.
Komente
