SHBA kanë më shumë miliarderë se çdo vend tjetër, por Nju York nuk është më qendra më e populluar e miliarderëve, pasi Pekini ka më shumë miliarderë sesa secili qytet tjetër në botë, sipas listës vjetore të përpiluar nga revista Forbes.
Kryeqyteti kinez ka shtuar 33 miliarderë vitin e kaluar dhe tani është shtëpi e 100 të tillëve, theksohet në listën e rëvistës.
Pekini ka mundur Nju Jorkun me rezultat të ngushtë, pasi ky i fundit ka 99 miliarderë në territorin e vet, dhe ka mbajtur pozitën e parë në shtatë vjetët e fundit.
Ndalja e shpejtë e koronavirusit në Kinë dhe rritja e kompanive të teknologjisë ka ndihmuar në këtë rritje.
Mirëpo pavarësisht pse Pekini ka më shumë miliarderë, shuma e pasurisë së miliarderëve në Shtetet e Bashkuara vazhdon të jetë për 80 miliardë dollarë më e lartë sesa e atyre që janë rezident në Kinë.
Miliarderi më I pasur në kryeqytetin kinez është Zhang Yiming, themelues i aplikacionit TikTok dhe shef ekzekutiv i kompanisë simotër ByteDance, me një pasuri që kap vlerat e 35.6 miliardë dollar, ndërkohë që në Nju York, më I pasuri është Michael Bloomberg, me një pasuri prej 59 miliardë dollarë.
//ReportTv.al