Legjenda e futbollit brazilian, Pele është në gjendje kritike për jetën dhe prej një muaji qëndron i shtruar në spital në Sao Paolo. Klubi ku ai u bë i njohur, Santos ka vendosur që të ndryshojë emblemën e skuadrës, kjo për nder të legjendës së futbollit.
Santos ka shtuar një kurorë mes dy yjeve, duke simbolizuar mbretin e tyre. Yjet janë vendosur për fitimin e dy finaleve ndërkontinentale në vitet 1962 dhe 1963, teksa kurora për Pele.
Vendimi nga Santos ishte marrë përpara datës 29 nëntor kur Pele u shtrua në spital, teksa sot u zyrtarizua nga klubi. Edhe më herët klubi i Santos ka nderuar një nga legjendat më të mëdha të futbollit, kjo në fanellat me numrin 10-të.
Në vitin 2011, fanella e Copa Libertadores e Paulo Enrique Ganso, e veshur me numrin 10-të, kishte një kurorë brenda, ndërsa në vitin 2019 kurora u vendos mbi stemën e klubit dhe përsëri vetëm në fanellën me numër 10-të.
Komente
