Një pelikan u plagos në Shkodër pak ditë më parë, ndërsa u dërgua në Divjakë për një trajtim të specializuar. Drejtori i Administratës së Zonave të Mbrojtura në qarkun e Fierit, që mbulon Parkun Divjakë-Karavasta Ardian Koçi thotë se dje pelikani iu nënshtrua një ekzaminimi klinik. Ai thekson se nga radiografia duket prania e saçmave të armës së gjahut, ndërsa sot do të operohet për të bashkuar kockën.
“Pelikani i plagosur, që arriti nga Shkodra para pak ditësh, iu nënshtrua një ekzaminimi klinik më të specializuar. Nga radiografia duket qartë prania e saçmave të armës së gjahut, njëra prej tyre ka thyer radiusin. Nesër (sot) pelikani do të operohet duke bashkuar kockën dhe duke e fiksuar me një pllakë titani.
Është akomoduar në ambientet e Kopshtit Zoologjik të Tiranës. Falenderojmë të gjithë ata që po na mbështesin” shprehet Ardian Koçi. Pelikani është një shpend i mbrojtur, por që duket se nuk i ka shpëtuar gjuetisë së paligjshme, por fatmirësisht nuk ka ngordhur.
Komente
Mos mer se eshte gjynah.. Vetem zymtesi shohim ne kete vend
PërgjigjuAtij qe ka gjuajtur mbi pelikanin ju kthefshin sacmet mbarapsh ishalla se skan as fe dhe as zot.
Përgjigju