Gjykata e Lartë ka rrëzuar rekursin e biznesmenit Pëllumb Gjoka për revokim të masës së sigurisë. Vendimi u mor nga trupa e gjykimit e përbërë nga Ilir Panda, Albana Boksi dhe Medi Bici.
Gjoka kundërshtonte vendimin e Apelit të Posaçëm për lënien në fuqi të masës “arrest në burg”.
Trupi gjykues vendosi “Mospranimin e rekursit të paraqitur nga kërkuesi Pëllumb Gjoka, kundër vendimit nr. 30 (87-2023-45), datë 15.02.2024 të Gjykatës së Posaçme të Apelit për Korrupsionin dhe Krimin te Organizuar
Gjoka akuzohet për vrasjen në bashkëpunim të Gjin Ndoj, ngjarje në muajin gusht të vitit 2020 në Shkodër. Përveç kësaj ngjarje, biznesmeni akuzohet se bashkë me persona të tjerë, ka siguruar kushtet për të vrarë ish policin e burgjeve Kleanth Musabelliun, Dorjan Dulin dhe Ibrahim Licin.
Prokuroria e Posaçme deri më tani i ka komunikuar akuzat biznesmenit Pëllumb Gjoka, ish shefit të operacionales Oltion Bistri, ndërkohë që pjesë e kesaj dosje, Metamorfozës, është edhe ish zyrtari i Policisë Ardit Hasanbegaj. Për personat ende në kërkim, mes të cilëve edhe Ervis Martinaj, SPAK ka veçuar çështjen.
