Kandidati për deputet nga Koalicioni Euroatlantik, Pëllumb Seferi, ka vijuar takimet me banorët e Tiranës, duke vënë në qendër të fushatës vlerat e traditës dhe shpirtin e shtëpive tironce, që sipas tij përfaqësojnë zemrën e qytetit.
“Shtëpitë e tironcve janë zemra e qytetit. Asnjë fitore nuk mund të jetë e plotë, nuk mund të jetë frymëzuese pa shpirtin e këtyre shtëpive, që kanë mundur të mbajnë gjallë traditën dhe zakonet e forta njerëzore,” u shpreh Seferi gjatë një prej takimeve me qytetarët.
Ai e konsideroi 11 Majin një ditë të rëndësishme jo vetëm për votën, por për një detyrim moral ndaj qytetarëve: “Takime të tilla e bëjnë 11 Majin një detyrim njerëzor për një qeverisje të përgjegjshme, për një qeverisje që nuk harron kurrë të dëgjojë zërin e qytetarëve.”
Pëllumb Seferi falënderoi çdo familje dhe banor që ka hapur derën dhe ka dëgjuar me interes programin e tij, duke e cilësuar këtë mbështetje si forca më e madhe që e shtyn të ecë përpara.
Komente
