LEZHË-Një 35- vjeçar është marr peng ditën e sotme, në vendparkimin e automjeteve të një lokali në aksin rrugor “Lezhë-Milot”, pas një sherri me 3 persona të tjerë.
Ngjarja ka ndodhur rreth orës 14:30, ku dyshohet se gjatë një konflikti fizik, tre persona kanë dhunuar dhe më pas kanë marrë me forcë me automjet, Dod Gjoka, rreth 35 vjeç, banues në Lezhë.
Burime për Report Tv bëjnë me dije se Dod Gjoka sapo kishte ndaluar makinën në parkingun e lokalit kur është marr forcërisht nga 3 personat.
Menjëherë pas marrjes së njoftimit, shërbimet e Policisë së Lezhës kanë ngritur pika kontrolli në perimetrin rrethues dhe në akset lidhëse, me qëllim kapjen e autorëve, të cilët janë identifikuar nga policia, konkretisht K. P., B. V. dhe Xh. E., të tre banues në fshatin Tresh.
Gjithashtu, u ngritën pika kontrolli në akset rrugore drejt Tiranës, Shkodër dhe Kukësit. Pasi policia identifikoi autorët dhe iu vu nga pas, ata e kanë lënë të lirë 35- vjeçarin, e kanë zbritur nga makina dhe e kanë lënë në mes të rrugës.
35- vjecari është dhunuar dhe ka marr dëmtime në kokë, ndërsa mësohet se është jashtë rrezikur për jetën, pasi u dërgua në spital për të marr ndihmë mjekësore.
‘Si rezultat i reagimit të menjëhershëm të Policisë dhe të gjendur nën presionin e kontrolleve intensive të Policisë, autorët dyshohet se e kanë zbritur nga automjeti, shtetasin D. Gj., i cili aktualisht po merr ndihmë mjeksore në spitalin e Lezhës dhe është jashtë rrezikut për jetën’, njoftoi sot policia.
Nga veprimet paraprake të policisë bëhet me dije se Dod Gjoka, ishte përgjegjës i sigurisë pranë kompanisë që po ndërton HEC-in në zonën e Kaçinarit në Mirditë dhe konflikti me tre përsonat dyshohet të ketë lidhje me kundështinë që kanë disa banor të zonës për mosbatimin e këtyre projekteve. Gjithsesi pritet marrja e dëshmisë së 35-vjeçarit për zbardhjen e plotë të këtij rasti, ndërsa policia po punon dhe për prangosjen e tre autoreve të dyshuar të ngjarjes.
Kush është Dod Gjoka?
Emri i Dod Gjokës, që u mor peng ditën e sotme pas një sherri në Lezhë dhe më pas u lirua, nuk është i panjohur për Policinë dhe Drejtësinë. Ai ka precedent të rëndë penal, pasi në vitin 2017 është arrestruar për vendosjen e një gjobe me vlerë 25 mijë euro ndaj një biznesmeni lokal, duke e kërcënuar në bashkëpunim se “do i vriste djalin”. Biznesmeni bashkëpunoi atëkohë me Policinë pas denoncimit, në një operacion me dorëzim të kontrolluar.
Emri i Dod Gjokës, që u mor peng ditën e sotme pas një sherri në Lezhë dhe më pas u lirua, nuk është i panjohur për Policinë dhe Drejtësinë.
Ai ka precedent të rëndë penal, pasi në vitin 2017 është arrestruar për vendosjen e një gjobe me vlerë 25 mijë euro ndaj një biznesmeni lokal, duke e kërcënuar në bashkëpunim se “do i vriste djalin”.
Biznesmeni bashkëpunoi atëkohë me Policinë pas denoncimit, në një operacion me dorëzim të kontrolluar.
Pak pasi V.P., dorëzoi në qese shumën e 25 mijë eurove, policia ndoqi dy autorët dhe i arrestoi në një operacion të befasishëm.
Dod Gjoka, nga Mirdita, u prangos së bahsku me Lek Çuku nga Shkodra. Përveç shumës së kërkuar, gjobëvënësit e këshillonin atë që të mos njoftonte policinë, pasi do të kishte pasoja të rënda për të.
Biznesmeni rrëfeu para policisë mesazhin e autorëve: Nëse nuk na jep paratë, do të të vrasim djalin!
Dorëzimi i kontrolluar u bë në fshatin Malecaj të Lezhës. Por të gjitha lëvizjet e tij kanë qenë në survejim të Policisë.
Në cilësinë e provës materiale policia u sekuestroi sasinë e parave, dylbitë, telefonat celularë dhe automjetin me të cilin po udhëtonin. Operacioni përfundoi në një kohë të shpejtë, ndërkohë që policia ka bërë të ditur se njëri prej autorëve ka qenë i dënuar dhe më parë për tentativë vrasjeje.
Nga të hetimet e policisë në atë kohë, bëhet e ditur se biznesmeni, të cilit i kanë kërkuar paratë, kishte pasur konflikte prej kohësh për çështje pronësie me disa persona të tretë. Dyshohet se kanë qenë këta të fundit që kishin kërkuar ndërhyrjen e dy personave që u arrestuan, për të marrë sasinë e parave që pretendoheshin prej tyre se ai ua kishte borxh.
Komente
Eh moj Ripjellje ku na katandise! Në 2017 I vuri gjobë biznesmenit duke e kërcënuar me vrasjen e familjarëve ndërsa sot është shef I sigurisë së HEC-it. Drejtësia që duam o patronazhista
Përgjigju