Të nevojshëm por të pamjaftueshëm e kanë konsideruar pensionistët fierakë bonusin e pranverës që ka nisur të shpërndahet prej datës 3 Mars. Ata kanë pohuar se bonusi do të shkojë kryesisht për ilaçe e ushqime.
"Na vjen në ndihmë, po është pension i ulët shumë, unë marr ilaçe. Shteti ka të ardhura, nuk mbarohen paratë e naftës. Ata i kanë rrogat e mëdha për veten e tyre, ne kemi ngelur si puna e jetimit.
Ato 100 mijë lekë nuk më dalin për të marrë ilaçe për gruan.
E mira është që të jetë muaj për muaj.
Në ndihmë nuk vjen, pensionin e kam 120 mijë lekë. Nuk janë të përhershme këto, këto janë njëherë në kaq kohë, Unë me ilaçe jam, gruaja me ilaçe, Drita ujë, këto lekë siç i mora do i lë prapë atje.
S’na del muaji të ushqehemi, s’na dalin për bukë, për ushqimin", thonë pesnionistët.
Ndërsa ministri Blendi Goxhe përmes një postimi në rrjetet sociale tha se në gjithë vendin 70,295 pensionistë kanë tërhequr bonusin deri më sot. Bonusi është 10,000 lekë për pensionet bazë nën 20,000 lekë dhe 5,000 lekë bonus për pensionet mbi 20,000 lekë. Mund të tërhiqet deri më 30 Shtator pranë çdo pike postare dhe bankave të nivelit të dytë.
Komente
