Zëdhënësi i Departamentit të Mbrojtjes të SHBA, Pat Ryder thotë se forcat amerikane morën “veprim të nevojshëm dhe proporcional” kundër Mushtaq Taleb al-Saidi, i njohur si Abu Taqwa, një udhëheqës në Harakat al-Nujaba.
Sulmi vrau Abu Taqwa dhe një nga bashkëpunëtorët e tij, sipas Ryder, raporton Al Jazeera.
Duke vepruar nën një koalicion të quajtur Rezistenca Islamike, grupet e lidhura me Iranin kanë shënjestruar bazat amerikane në Irak dhe Siri që nga shpërthimi i luftës në Gaza.
Ryder u tha gazetarëve se Abu Taqwa ishte i përfshirë në planifikimin dhe kryerjen e sulmeve kundër trupave amerikane.
“Është e rëndësishme të theksohet se sulmi u krye në vetëmbrojtje se asnjë civil nuk u dëmtua dhe se asnjë infrastrukturë apo objekte nuk u goditën”, shtoi ai pa dhënë detaje të mëtejshme.
