Disa persona kanosën e dhunuan një 27-vjeçar në Peqin në vendin e quajtur ‘Kalaja’. Forcat ‘Shqiponja’ bën të mundur arrestimin në flagrancë të njërit prej dhunuesve, i identifikuar me inicialet E.D., 22 vjeç si dhe procedoi një 17-vjeçar i dyshuar për përfshirje në konflikt, si dhe për moskallëzim krimi.
Ndërkohë policia ka identifikuar dhe shpallur në kërkim 4 persona të tjerë R.B., E.L., S.H. dhe A.M.
"Nga veprimet hetimore, këta shtetas në bashkëpunim me njëri-tjetrin pasditen e djeshme kanë kanosur dhe goditur fizikisht S.K.., 27 vjeç banues në Peqin' informoi sot policia.
Ndërkohë, gjatë kontrollit në banesën e 22-vjeçarit të arrestuar, policia gjeti dhe sekuestroi 96 kubikë me fidanë të dyshuar narkotike kanabis, lëndë narkotike kanabis dhe municion luftarak.
