Përfaqësuesi ligjor i Partisë Demokratike, Indrit Sefa ka reaguar pas shortit që u hodh sot në Apel ku u caktua relatore e çështjes Elona Mihali për çështjen e vulës së PD. Sefa ka depozituar një kërkesë në Apel drejtuar gjyqtares Mihali se cilës i kërkon që çështja të shqyrtohet sa më shpejt. Sefa shkruan se çdo vonesë është e pajustifikuar dhe se tashmë Apeli s’ka asnjë pengesë për t’i dhënë fund konfliktit të PD-së.
“Gjykata e Apelit tashmë nuk ka asnjë pengesë për t’i dhënë fund konfliktit gjyqësor për legjitimitetin e drejtimit të Partisë Demokratike. Partia Demokratike i kërkon Gjykatës që të shqyrtojë sa më shpejt ankimin e paraqitur nga ana e saj. I ftojë të gjitha palët ti kërkojnë Gjykatës së Apelit të Juridiksionit të Përgjithshëm të shpallë dhe të gjykojë këtë çështje në një kohë sa më të shpejt. Çdo vonesë tashmë është e pajustifikuar”, shkruan Sefa.
Kërkesa drejtuar gjyqtares Mihali
Lajmi kryesor:
Fati i PD, përcaktohet në Apel trupa gjykuese, relatore Elona Mihali! Sefa: Shqyrtoni sa më shpejt çështjen, tashmë s'ka asnjë pengesë
SI.E./ReportTv.al