WhatsApp po e bën më të vështirë transmetimin e mesazheve që mund të përmbajnë informacione të dëmshme ose mashtruese. Në një përditësim të rradhës, aplikacioni pritet të vendosë kufizime të reja se sa herë mund të përcillni një tekst. Nuk është e qartë pse WhatsApp po prezanton kufizimet e reja.
Më parë, kompania ka kufizuar përcjelljen në aplikacionin e saj si një mënyrë për të frenuar përhapjen ndryshe të pakontrolluar të dezinformatave të rrezikshme. Ndërsa WhatsApp teston mjete dhe cilësime të reja, i shpërndan ato tek një grup i vogël njerëzish si pjesë e testeve "beta". Kjo do të thotë që fansat mund të marrin vesh nga veçoritë e ardhshme të WhatsApp shumë kohë përpara se ato të lëshohen tek përdoruesit masivisht.
Nuk është hera e parë që WhatsApp ka goditur përmbajtjen e dërguar në një përpjekje për të zhdukur mashtrimet. Në mars 2019, aplikacioni i bisedës shtoi një etiketë që tregon automatikisht nëse një mesazh është përcjellë. Një vit më vonë, u prezantua një kufi për numrin e herëve që një mesazh mund të dërgohej për të frenuar një valë lajmesh të rreme të përhapura në aplikacion në shpërthimin e pandemisë Covid-19 Mijëra përdorues po lexonin pretendime të gabuara në lidhje me virusin vdekjeprurës dhe i dërgonin ato tek kontaktet e tyre.
Si të merrni WhatsApp beta?
Për të shkarkuar WhatsApp beta për smartfonin tuaj, duhet të shkoni te Google Play në Android dhe të kërkoni për WhatsApp. Lëvizni poshtë faqen derisa të shihni "Bëhuni një testues beta".
Prekni butonin "I'm In" dhe më pas kliko "Bashkohu" për të konfirmuar. Tani gjithçka që duhet të bëni është të prisni për përditësimin në versionin beta të aplikacionit.
Anëtarësimi në WhatsApp beta në iPhone është më i vështirë dhe ka kapacitet të kufizuar.
Ndiqni udhëzuesin e Apple KËTU.
