Julian Muça është arrestuar nga policia e Tiranës, konkretisht njësia e 'Shqiponjave', pasi përdorte dokumenta false dhe distiktiv policie duke u prezantuar si polici i Europolit dhe duke përfituar në këtë periudhë pandemie. Shtetasi 42-vjeçar prezantohej para qytetarëve me këto dokumenta, ndërsa së bashku me të e ka pësuar edhe personi që i ka vendosur në dispozicion këtë dokumenta.
Bëhet fjalë për personin me inicialet P. H, 53 vjeç, që i kishte mundësuar Muçës mjetet identifikuese të Europolit dhe që po hetohet në gjendje të lirë.
Materialet për këtë ngjarje janë referuar në Prokurorinë e Tiranës, ndërsa dy personat akuzohen për veprat penale “Falsifikim i dokumenteve” dhe “Përvetësimi i titullit apo i detyrës shtetërore”, ndërsa materialet janë referuar në Prokurorinë e Tiranës.
