Një zjarr ka përfshirë luginën e Vjosës në krah të autostradës Levan- Tepelenë, pasditen e kësaj të diele (10 nëntor).
Sipas burimeve të Report Tv, bëhet me dije se zjarri ka rënë pranë zonës së Mollaj dhe po përhapet me shpejtësi drejt parcelave me rrënjë të reja ullinjsh.
Mësohet se shërbimi zjarrfikës ka mbërritur në vendngjarje dhe po punon për izolimin dhe shuarjen e flakëve.
Edhe pse është përhapur në një sipërfaqe të gjerë, sipas zjarrfikësve në vendngjarje, po vihet nën kontroll.
Komento
