Në fshatin Juban të Shkodrës ka përfunduar argjinatura mbrojtëse për zonën nga prurjet e lumit Drin.
Kryeministri Edi Rama teksa ndau pamje nga investimi i përfunduar, shkruan se tashmë zgjidh tashmë rrezikun e gërryerjes së tokave në këtë zonë.
“Në fshatin Juban të Shkodrës ka përfunduar argjinatura mbrojtëse për zonën nga prurjet e lumit Drin. Argjinatura që është ndërtuar nga Fondi Shqiptar i Zhvillimit dhe bashkia Shkodër, zgjidh një herë e mirë rrezikun e përmbytjeve për fshatrat Kuç dhe Vukatanë në njësinë administrative Guri i Zi, duke ua lehtësuar jetën dhjetëra banorëve gjatë periudhës së dimrit”, shkruan Rama.
Argjinatura me gjatësi 700 metra është ndërtuar plotësisht brenda 6 muajve. Ky investim shmang rrezikun e përmbytjeve për fshatrat Kuç dhe Vukatanë në njësinë administrative Guri i Zi.
