Pas vizitës dy ditore në Kosovë, ish presidenti Hashim Thaç është larguar për në Hagë, ku vazhdon paraburgimin. Ai po dërgohet nën mbikëqyrjen e madhe të njësisë speciale dhe mbrojtjes së Speciales.
Ish-presidenti u largua nga ambientet e EULEX-it nën duartrokitjet dhe brohoritjet e mbështetësve të tij që ishin mbledhur aty dhe brohorisnin me thirrjet “UÇK, UÇK”.
Më herët, ai u takua me bashkëshorten dhe vëllezërit e tij.
Kjo ishte hera e parë që Thaçi qëndroi kaq gjatë në Kosovë që kur ndodhet në paraburgim prej vitit 2020. Një ditë më parë ai pati mundësi që të vizitonte varrin e babait të tij, Haxhi Thaçi. Ai u përcoll për në banesën e fundit më 18 Mars, por ish presidenti nuk mori leje për t’i dhënë lamtumirën e fundit.
Lajmi kryesor:
Nderime për babanë e ndjerë, Hashim Thaçi 2 ditë në Kosovë! Takon familjen në EULEX, përkrahësit kërkojnë drejtësi (VIDEO)
Xh.D/ReportTv.al
