Receta

Perime furre të marinuara nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

22 Prill, 11:22| Përditesimi: 22 Prill, 11:23

  • Share

Perime furre të marinuara

Përbërësit:

  • 2-3 patëllxhanë mesatarë
  • 3-4 speca me ngjyra
  • 2-3 thelpinj hudhër
  • 2-3 lugë gjelle uthull vere
  • 1 maje luge sheqer
  • Kripë sipas shijes
  • Vaj ulliri
  • Majdanoz

Përgatitja:

Patëllxhanët dhe specat i vendosim të piqen në furrë derisa lëkura të marrë ngjyrë dhe të zbuten mirë. Pas pjekjes i vendosim në një enë me kapak për disa minuta që të zbutet lëkura, më pas i qërojmë me kujdes dhe i presim në shirita ose copa të mëdha. I vendosim perimet në një pjatë të cekët dhe ndërkohë përgatisim dressing-un. Shtypim hudhrat dhe i përziejmë me uthullën, pak kripë dhe vaj ulliri. E hedhim marinadën sipër perimeve të pjekura dhe i lëmë të marrin shije për 10-15 minuta para servirjes. Në fund mund t'i spërkatim me majdanoz të grirë për një aromë më të freskët.

MC/ReportTv.al
Komento

Komente

  • Sondazhi i ditës:

    Diaspora po vendos, sa përcaktuese do jetë vota nga jashtë më 11 maj?