Korea e Jugut ka shkarkuar nga poziconi i trajnerit të ekipit kombëtar të futbollit Jurgen Klinsmann. Gjermani nuk mundi ta çonte ekipin më shumë se gjysmëfinalet e Kupës së Azisë, teksa një përçarje në ekip duket se ka qenë deçizive.
Pas 12 muajve në krye të ekipit, Klinsmann nuk ia doli të forconte grupin dhe eliminimi nga turneu i fundit, shoqëruar me një grindje të lojtarëve ka sjellë këtë vendim.
Përpara ndeshjes të humbur 2-0 kundër Jordanisë, në ekipin e Koresë së Jugut pati një zënkë mes lojtarëve, teksa Heung Min Son i Tottenham 'iu tërhoqi veshin' të tijve që të ruanin regjimin dhe jo të luanin ping pong.
Epo duket se loja e ping pongut ka qenë fatale jo vetëm në fushën e lojës, por edhe në zyrat e federatës, që morën vendimin drastik për trajnerin.
