SHKODER - Ministrja e Mbrojtjes Olta Xhaçka e shoqëruar nga zv/kryeministrja Senida Mesi dhe deputeti socialist, Vullnet Sinaj, kanë inspektuar zonat e përmbytura në Shkodër. Numri dy i qeverisë, Mesi ka kërkuar koordinim dhe transparencë në shpërndarjen e ndihmave të nevojshme, ndërsa përsa i përket dëmeve ka shtuar se do të bëhen pas tërheqjes së ujit.
Gjatë kësaj vizite, kryetari i njësisë administrative të Dajçit Gjovalin Darragjati ka replikuar me ministren Xhaçka dhe zv/ kryeministren, ldhur me situatën problematike.
“Kërkoj koordinim dhe transparencë në shpërndarjen e ndihmave të nevojshme. Askush nuk na pengon që pas largimit të ujit të shohim mundësinë e kompensimeve. Të ulemi e të vlerësojmë demet. Fatmiresisht, eshte rritur sensibilizimi edhe nga komuniteti i biznesit dhe shoqatave. Deputeti i Vlores Vullnet Sinaj eshte sot ne Shkoder bashke me nje grup biznesmenësh” tha Mesi. Por, kryetari i njësisë administrative të Dajçit Gjovalin Darragjati ka replikuar duke akuzuar se “Në 5 vite qeveria nuk ka investuar në Dajç. Kemi paraqitur problemet”.
Dita e sotme ka sjellë një përmirësim të lehtë të situatës së përmbytjeve në Shkodër. Uji është tërhequr, por sipërfaqja e tokës së përmbytur vijon që të jetë e madhe, rreth 4500 hektarë. Ndërkaq, në zonë e Dajçit, e cila këto ditë ka qenë ndër më problematiket, ka nisur qarkullimi me automjete të vogla. Personat e evakuuar janë të strehuar ende në konvikt.
Sipas Ministrisë së Mbrojtjes, deri tani jane angazhuar 148 forca, 27 mjete, 6 motobarka dhe 2 pompa thithese dhe po veprojne ne Obot, Livade, Dajc, Velipoje, Belaj, Trush, Bushat. Jane transportuar 87 banore, jane shperndare 1500 kg ushqime, 31500 litra uje i pijshem, 400 kg koncentrat,vazhdon largimi I ujit nga banesat dhe objektet e rendesishme me pompa thithese.