Të paktën 161 persona rezultojnë ende të zhdukur në një qark të vetëm të Teksasit, katër ditë pasi përmbytjet shkatërruese goditën disa pjesë të shtetit amerikan javën e kaluar, raporton BBC. 109 persona kanë vdekur, 94 prej të cilëve në zonën e Kerrville, bëri me dije guvernatori Greg Abbott.
Ekipet e ndihmës nga agjenci të ndryshme po punojnë së bashku në përpjekjet e shpëtimit, përfshirë agjentë nga patrullimi kufitar, FBI-ja dhe Garda Kombëtare. Më shumë se 250 ndihmës nga agjenci të ndryshme janë caktuar vetëm në zonën e Kerrville. Kërkimet po vazhdojnë edhe me helikopterë Chinook dhe Black Hawk.
Shumica e viktimave u shënuan në Qarkun Kerr, ku lumi Guadalupe doli nga shtrati para agimit të së premtes. Në kampin Mystic aty pranë u konfirmuan 27 vajza të vdekura.
Edhe në New Mexico, është shpallur emergjencë për përmbytje të menjëhershme. Zyrtarët atje tashmë po punojnë për të shpëtuar njerëzit e bllokuar. Përmbytjet në Rio Ruidoso arritën në 4.5 metra. Zyrtarëve iu desh të kryenin disa operacione të shpejta shpëtimi me varka.
Komente
