Dy helikopterë ushtarakë u përplasën në ajër dhe u rrëzuan si pasojë gjatë kryerjes së stërvitjeve të martën e 23 prillit në Malajzi, duke i lënë të vdekur të 10 njerëzit që ndodheshin në bord, njoftoi marina vendase.
Helikopterët po bënin ushtrime në një bazë ushtarake gjatë përgatitjeve për festën e 90-vjetorit të marinës kur u përplasën, thanë autoritetet vendase.
“Vdekja e të gjithë personave u konfirmua në vendin e ngjarjes”, tha ajo, duke shtuar se mbetjet e trupave janë dërguar në spital për t’u identifikuar.
Shtatë pjesëtarë të ekuipazhit ndodheshin në helikopterin AW139, i cili shërben për operacione detare.
Marina malajziane tha se do ta nisë një hetim për ta mësuar shkaktarin e aksidentit.
Komento
