SHKODËR- Një aksident me pasojë vdekjen e një 36-vjeçari ka ndodhur rreth orës 19:00, në lagjen "Liria" në Shkodër. Një motorçikletë është përplasur me një makinë të tipit "Audi" dhe si pasojë ka ndërruar jetë një 36-vjeçar. Ai është drejtuesi i motorçikletës i identifikuar si Eltojn Lishi banues në lagjen Qemal Stafa në Shkodër, i cili ndërroi jetë në Spitalin Rajonal Shkodër.
Drejtuesi i "Audi"-t është personi me iniciale A. M, 50 vjeç, banues në fshatin Shtoj i Ri, Shkodër. Pamjet e aksidentit kanë mbërritur në redaksinë e Shqiptarja.com, ku ndodhet motorçikleta e përmbysur në tokë dhe makina e përplasur. Sipas policisë, në vendngjarje ndodhet grupi hetimor ku vijon punën për sqarimin e rrethanave të aksidentit.
Komento
