Një aksident është shënuar mbrëmjen e sotme në rrugën e fshatit "Kotodesh', Përrenjas, ku F.K., 26 vjeç, banues në fshatin "Katjel" Prrenjas, duke drejtuar automjetin tip "Ford" me targa AA 470JJ, ka aksidentuar fëmijën, A. S. 4 vjeç.
Fëmija është transportuar menjëherë në Spitalin Rajonal Elbasan, pasi ndodhet në gjendje të rëndë shëndetësore. Ndërsa drejtuesi i mjetit është shoqëruar në Komisariatin e Policisë, për veprime të mëtejshme procedurale.
Grupi hetimor ndodhet në vendngjarje dhe po punon për zbardhjen e plotë të shkakut të aksidentit, ku paraprakisht dyshohet se fëmija i ka ndërprerë rrugën kur ka kaluar nga njëri krah i rrugës në tjetrin dhe për pasojë është përplasur nga automjeti.
Komento