Gjykata ka caktuar ditën e sotme masën “arrest me burg”, për 19-vjeçarin, Jehon Breçanin, djalin e ish-zëvendësdrejtorit të Policisë së Tiranës, Erzen Breçani.
Aksidenti u regjistrua 4 ditë më parë, ku si pasojë e humbjes së kontrollit, Breçani, drejtuesi i automjetit ka përplasur 23-vjeçaren Xhesina Gega e cila ka mbetur pa njërën këmbë dhe aktualisht ndodhet në gjendje kritike për jetën në spital.
23-vjeçarja ka qenë duke ecur në trotuar kur 19-vjeçari ka humbur drejtimin e makinës luksoze tip "Benz", që i jepte me shpejtësi duke e përplasur të renë dhe duke i këputur njërën këmbë e duke i shkaktuar plagë të rënda në trup dhe fytyrë.
Përplasja ka qenë e fortë dhe identifikimi i 23-vjeçares u bë me shumë vështirësi për shkak të plagëve të marra.
Jehon Breçani humbi kontrollin e makinës dhe u përplasur fillimisht me murin, më pas me një pemë dhe më pas ka goditur 23-vjeçaren që ndodhej në trotuar.
