Mirditë-Një 24 vjeçar nga Kosova është vendosur në pranga pasi përplasi për vdekje me makinë një 57 vjeçar. Preng Bajraktari humbi jetën si pasojë e plagëve të marra.
Ndërkohë Jeton Selimi u arrestua veprën penale "Shkelja e rregullave të qarkullimit rrugor".
Ngjarja e rëndë u shënua pasditen e djeshme (1 nëntor).
"Specialistët e Njësisë së Sigurisë Rrugore të Autostradës Milot-Morinë, bënë arrestimin e shtetasin J. S., 24 vjeç, banues në Kosovë, për veprën penale "Shkelja e rregullave të qarkullimit rrugor".
Ky shtetas, pasditen e djeshme, duke drejtuar automjetin e tij në autostradën "Milot-Morinë", në territor të bashkisë Mirditë, ka aksidentuar këmbësorin P. B., 57 vjeç, banues në Mirditë, i cili si pasojë e plagëve të marra ka humbur jetën" informoi sot policia.
Materialet procedurale iu referuan Prokurorisë, për veprime të mëtejshme
