Burrel - Policia ka arrestuar 46-vjeçarin, i cili teksa drejtonte një automjet të një shoqërie private, aksidentoi një të mitur, në qytetin e Burrelit.
46-vjeçri i identifikuar me inicialet H.H., gjatë drejtimit kishte humbur kontrollin e automjetit tip “Fiat”, në pronësi të kompanisë “Breçani Security”, dhe kishte përplasur të miturin.
"Në vijim të informacionit paraprak të dhënë gjatë ditës së djeshme, ku në qytetin e Burrelit, shtetasi H.H., 46 vjeç, teksa drejtonte automjetin e një shoqërie private, humbi kontrollin mbi drejtimin e mjetit dhe për pasojë mjeti aksidentoi një shtetas të mitur, shërbimet e Policisë Rrugore, në përfundim të veprimeve të para hetimore, bënë arrestimin 46-vjeçarit, për veprën penale "Shkelja e rregullave të qarkullimit rrugor",- njofton policia.
Shoferi është arrestuar për veprën penale "Shkelja e rregullave të qarkullimit rrugor".
I mituri vijon të trajtohet me asistencë mjekësore në spital.
