Nga Greqia, gazetari Etmond Guri në një intervistë për Report Tv foli për aksidentin e rëndë të përplasjes së dy trenave, ku kanë humbur jetën 32 persona. Sipas Gurit, nga informacionet e para bëhet e ditur se nuk ka pasur sinjalistikë sigurie apo mjete sigurie që informojnë stacionet përkatëse për hyrjen dhe daljen e trenave ne linjë.
‘Sipas informacioneve të para janë sindikatave e punëtoreve të shinave të hekurudhës të cilët denoncojnë se në këto pika dhe shumë pika nuk ka pasur sinjalistikë sigurie apo mjete sigurie që informojnë stacionet përkatëse për hyrjen dhe daljen e trenave ne linjë.’- u shpreh ai.
Megjithëse nuk ka të dhëna zyrtare, Guri u shpreh se ‘ka frikë se në mesin e pasagjerëve mund të ketë edhe shqiptarë’.
‘Përveç shqiptarëve mund të ketë edhe emigrantë që lëvizin nga zona të ndryshme për në veri të Greqisë. Kjo është edhe tragjedi më vete se nuk ka kontakte me persona të tjerë dhe është e vështirë identifikimi i tyre.’- u shpreh ai.
Lajmi kryesor:
Tragjedi në Greqi/ Del VIDEO nga momenti kur 2 trenat përplasen 'kokë më kokë'! 44 të vdekur, dhjetëra të plagosur, mes tyre 8 shqiptarë! Dorëhiqet ministri i Infrastrukturës (FOTO+VIDEO)
M.Q./ReportTv.al
