Vazhdon telenovela për mandatin e vetëm të fituar nga koalicioni “Nisma Shqipëria Bëhet”, bashkim i 2 forcave politike që drejtohen nga Endri Shabani dhe Adriatik Lapaj.
Pas njeriut të Shabanit, në listën e mbyllur, Zeqir Kordhoni, në lojë është futur Kleana Xhuveli, e përzgjedhura e Lapajt dhe që në renditjen brenda listës, ndodhet mbi Kordhonin.
Pakti mes dy partive të cilat përfshinë në listën e mbyllur të afërmit e tyre, si kandidatë fiktivë, për t’i lënë rrugë një fituesi nga lista e hapur, u trondit pasi Kordhoni, daja i Shabanit, ndërroi mendje, dhe i kërkoi KQZ-së ta konsideronte si kandidat për të marrë mandatin e deputetit.
Një lëvizje e cila e nxorri jashtë loje Lapajn, i cili priste të hynte në parlament, si më i votuari i listës së hapur.
Duke sulmuar ashpër Shabanin për situatën e krijuar, Lapaj paralajmëroi dje se Endri Shabani apo daja i tij, Zeqir Kordhoni, nuk do ta gëzonte mandatin e deputetit në Tiranë.
Ai është kundërpërgjigjur me të njëjtën taktikë. Në letrën dërguar KQZ-së, Xhuveli thotë se ka rikonsideruar qëndrimin e saj dhe ka vendosur të revokojë dorëheqjen e saj.
Në këtë mënyrë, deri më tani mandati mbetet t’i shkojë asaj.
Por gjithshka mbetet e hapur, pasi në listën e mbyllur përpara Xhuvelit janë dhe tre emra të tjerë, të përzgjedhur si nga Lapaj ashtu dhe Shabani, që potencialisht mund të ndërrojnë mendje.
Më e favorizuara është 60-vjeçarja Ana Dajko, një emër po ashtu i vendosur nga Lapaj, e cila është e para e listës.
Komente
Gjueti shtrigash:do me behet qejf per tikun te rri te shikoj me dylbi mandatin
PërgjigjuGjelle qënsh
PërgjigjuKy ehste brezi i ri? Kur sillen ne kete menyre tani, imagjino se cfare bejne ne parlament. A vertet duhen votuar keto..
PërgjigjuTË JESH DEPUTE DUHET PËR MENDIMIN TIM QË TË KESH KËTO VIRTUTE DHE CILËSI : Edhe nëse nuk janë ligjërisht të detyrueshme, këto virtyte priten nga qytetarët dhe janë të dëshirueshme për të ushtruar mandatin : 1. Integriteti: ndershmëria, transparenca, respekti për etikën 2.Ndjenja e shërbimit publik: dëshira për të vepruar në interes të përgjithshëm 3. Kompetenca: kuptim i mirë i çështjeve ekonomike, sociale, ligjore etj. 4.Dëgjimi dhe afërsia: aftësia për të përfaqësuar shqetësimet e qytetarëve në zonën tuaj zgjedhore 5.Kurajo politike: aftësia për të mbrojtur idetë e dikujt dhe për t'u përballur me kritikat 6.Puna dhe pjesëmarrja: prania aktive në Kuvend, pjesëmarrja në debate dhe komisione 7. Aftësia për dialog: aftësia për të bashkëpunuar me zyrtarë të tjerë të zgjedhur, madje edhe me ata me mendime të ndryshme 8.Pavarësia e mendjes: mos u dorëzoni ndaj presionit nga lobistët ose interesat e veçanta 9. Respekti për institucionet dhe demokracinë.
Përgjigju