Një libër i ri ka hedhur dritë të jashtëzakonshme në ditët dhe muajt para dasmës së Princit Harry dhe Meghan Markle në maj 2018 dhe vendimit të tyre të mëvonshëm për t'u larguar nga familja mbretërore.
Korrespondenti veteran mbretëror, Robert Jobson është autori i librit të ri ‘Mbreti ynë’.
Një nga pasazhet më bindëse të librit përshkruan tërbimin e Harry-t pasi babai i tij mbreti Charles shprehu hezitim për të vendosur të dashurën e tij të re në listën e pagave mbretërore.
"Charles hodhi një bombë, duke thënë se ai nuk mund të përballonte të paguante për Meghan në të ardhmen, si dhe për Camilla, dhe për William dhe Catherine dhe familjen e tyre të re. Kjo e tërboi Harryn," shkroi ai në një fragment të botuar në Daily Mail.
Versioni i ngjarjeve të z. Jobson përshkruan se si këto përplasje të hershme i shtynë Sussex-ët të "tërhiqen" nga familja mbretërore në janar 2020.
Sipas librit ‘ Mbreti Ynë’, Harry filloi të thyente protokollin mbretëror dhe të këmbëngulte në një trajtim të veçantë për gruan e tij të ardhshme që në ditët e para të marrëdhënies së tyre, duke përfshirë edhe lënien në hije të turneve mbretërore të babait të tij Charles.
“Është e kuptueshme, ekziston një hierarki dhe një sistem rrjeti, por Princi Harry dukej se mendonte se kur bëhej fjalë për Meghan Markle, ajo do të kishte gjithmonë përparësi,”- është shprehur një prej ndihmësve të pallatit mbretëror në librin e shkruar nga Jobson.
Libri i Jobson theksoi gjithashtu listën e deklaratave kontradiktore që dukesha e Sussex-it ka bërë që nga largimi nga familja mbretërore.
Mbreti Charles nuk e pranoi një kërkesë të tillë të bërë nga Harry duke iu kthyer: Unë nuk jam bankë që të paguaj rroga mbretërore.
Komente
Kot o burre. I kishe thene Rames se ia kishte lidhur nje rroge nga sektori peshkut te Luces.
Përgjigju