Deputeti demokrat Gazment Bardhi ka reaguar lidhur me kundërpërgjigjen e kryeministrit Edi Rama ndaj Këshillit të Lartë Gjyqësor, pasi ky i fundit tha se deklaratat e numrit një të qeverisë për vendimet e gjykatësve cenojnë pavarësinë e gjyqësorit.
Bardhi shkruan se kundërpërgjigja e Ramës, tregon se ai nuk kupton rolin e KLGJ-së dhe i bën thirrje të heqë dorë nga komentet për gjyqtarët dhe prokurorët.
“Edi Rama përpara se të “shtrembërojë” nga padija e thellë rolin e KLGJ, bën mirë të kuptojë rolin e tij:
- Është për të luftuar bandat, jo për ti ulur në qeverisje; ose je
- Është për ti shkatërruar ekonomikisht bandat, jo për ti dhënë licenca, tendera, koncesione apo leje ndërtimi;
- Është për të luftuar korrupsionin, jo për të ligjeruar atë përmes projekteve si inceneratorët që nuk ekzistojnë;
- Është për tu gjykuar nga prokurorët e gjykatësit; jo për ti gjykuar ai ato!
Prandaj bën mirë që përpara se të gjykojë gjyqtarë e prokurorë që nuk i vijnë pas avazit apo humorit të tij, të kujtohet se asnjë Kyeministër në Europë, nuk komenton e jo më të sulmojë gjyqtarë e prokurorë specifik për çështje specifike.
Dhe boll harxhoi kohën me çështje që as i kupton dhe as mundet ti kuptojë, sepse Edi Rama është gatur si “antiligji” dhe “anti interesi publik”,- shkruan Bardhi.
Lajmi kryesor:
Rama i përgjigjet KLGJ-së: Mos harxho kohën për të gjykuar se si e bëj unë punën! Shqyrto shqetësimet e palëve të cenuara nga vendime qorre të gjykatësve
K.M/ReportTv.al
