TIRANË - Përplasja mes Donald Trump dhe Volodymyr Zelenskyt në Shtëpinë e Bardhë më 28 shkurt u diskutua në ‘5 Pyetjet nga Babaramo’ mbrëmjen e sotme.
Gazetari nga Kosova, Rid Berisha thekson se kjo përplasje mund të jetë dhe strategji e Trump, për t’i lënë hapësirë Rusisë në Ukrainë dhe për ta shkëputur nga Lindja e Mesme dhe nga aleanca me Kinën.
'E pazakontë. Presidenti Trump është atipik. 40 minutat e parë të takimit, shkuan për vaj. Dhe për një moment Zelensky i shfrytëzoi 10 minutat e fundit dhe kthyen përmbys përpjekjet për paqe. Zelensky po përpiqet tashmë të risjellë në tavolinë marrëveshjen për Shtëpinë e Bardhë. Zoti Trump ka një sjellje atipike për president, por horizontin e gjerë amerikanët nuk durojnë më të investojnë më në paqe. Zoti Zelensky po përpiqet të shfrytëzojë kanalet diplomatike sidomos me aleatët europianë. Pa SHBA nuk ka situatë premtuese që vendos paqen në Ukrainë.
Britania refuzoi propozimin e Macron për një armëpushim prej një muaji. Britani po rikthen influencën e saj mbi BE si një forcë që vendos objektivisht forcën. Europianët duhen të gjejnë mënyrën për të komunikuar me SHBA-të. Zoti Trump ka një kauzë më të gjatë për tu përballë me Lindjen e Mesme. Gjithë kjo përpjekje ka një qëllim që Rusinë të mos e lërë të vijojë të ketë raporte të mirë me Kinën.'
Artur Meçollari thekson se lufta në Ukrainë mund të zgjasë shumë, pasi ukrainasit dolën jashtë parashikimeve me rezistencën e tyre dhe prandaj dhe Zelensky nuk po lëshon pe në marrëveshjen me SHBA-të.
'Është luftë e gjatë prej një agresioni, që është i kriminalizuar. Kemi palë të dëmtuar dhe fajtor.
Sot në Ukrainë janë 120 mijë të vrarë. Sipas OKB. Të gjithë këta njerëz janë betuar që të luftojnë deri në vdekje për të mbrojtur vendin.'
Eksperti i marrëdhënieve ndërkombëtare, Ledjon Krisafi vë re se administrat Trump po përdor tezat e Rusisë për një botë multipolare.
'Rendin po e përmbys superfuqia që ka krijuar rendin. Rubio tha po shkojmë drejt një botë multi polare. Këtë mund ta thotë Lavrov, por jo superfuqia. Zelensky u çudit nga naiviteti që kjo administratë po përballet me Rusinë. Kjo administratë mendon se Putin do respektojë marrëveshjet. Nëse SHBA kanë një aleancë Rusi-Kinë-Iran-Kore e Veriut. Më shumë ka logjikë të dobësosh Rusinë, se sa ta nxjerrësh Rusinë të fituar nga kjo luftë. Ka shumë mundësi që Putin të bëjë një lojë treshe me SHBA dhe Kinën. Loja e Trump është një lojë naive këtë rast.'
Eksperti i çështjeve ndërkombëtare Ilir Alia shton se Trump ka një inat të vjetër me Zelenskyn që në vitin 2020.
'Ajo që pamë ishte e shëmtuar, por dhe një hakmarrje personale. Në zgjedhjet 2020 presidenti Zelensky sapo mori detyrën dhe Trump i kërkoi të dilte dëshmitarë dhe të thoshte se djali i kandidati Joe Biden kishte përfituar financiarisht nga ndërhyrja që ishte bërë nga demokratët dhe Joe Biden. Zelensky sipas asaj që kam informacion ka rrjedhë informacion drejt Joe Biden. Kjo ishte pjesa e diskreditimit të figurës së Zelenskyt në Shtëpinë e Bardhë. Pjesa e dytë, qasja e re që kanë amerikanët. 3 vite luftë Rusia është dobësuar shumë. Nëse nuk pushon lufta deri në tetor, Rusia do ketë kolaps ekonomik.'
Komente
Donald Trump ka sinjalizuar publikisht dhe privatisht se ai nuk e konsideron më Rusinë një kërcënim të madh kibernetik për sigurinë kombëtare të SHBA dhe infrastrukturën kritike. Ndryshimi, i cili bie fare në kundërshtim me paralajmërimet me vite nga zyrtarët e inteligjencës, ka ngritur alarmin tek ekspertët e sigurisë kibernetike, të cilët kanë frikë se Shtetet e Bashkuara po e lënë veten të ekspozuar ndaj sulmeve kibernetike ruse, pikërisht kur tensionet globale arrijnë pikën e vlimit.
Përgjigju