KOSOVË- Para fillimit të ndeshjes mes Prishtinës dhe Ballkanit, në stadiumin “Fadil Vokrri” një incident ka ndodhur mes tifozëve “Plisat” dhe “Xhebrailat”.
Tifogrupi “Plisat”, sulmuan tifozët nga Suhareka, “Xhebrailat”, teksa ndeshja nisi me disa minuta më vonë për shkak të pasigurisë në stadiumin “Fadil Vokrri”.
Drejtori sportiv i Ballkanit, Nderim Nexhipi njoftoi se tre tifozë janë goditur me thikë, ndërsa njëri prej tyre është në gjendje kritike për jetën.
“Ishte një derbi që u paralajmërua gjatë gjithë javës. Klubi i Prishtinës ndoshta është dashur të marrë më shumë masa. Tre tifozë tanë janë therur me thikë, njëri është në gjendje të rëndë. Është në spital, në urgjencë”, njoftoi Nexhipi.
Komento
